الثلاثاء، 28 يونيو، 2011

مشاهد مؤثرة .. تغطية بالفيديو للجنازة الشعبية للشهيد محمود قطب

فيه ناس كانت منتظرة حضور الجثمان من الساعة 2 أمام مسجد عمر مكرم لكن الكلاب كانوا رافضين خروجه الا بعد توقيع أهله على تنازل ! ومندوب رئاسة الوزراء فى الجنازة كان بيكدب ويقول ان النيابة كانت عايزة التشريح وأهله رفضوا وده اللى عطل الموضوع ! لكن مالك عادلى واجهه بأن الأمر لا يحتاج الا لكشف ظاهرى ولا داعى للتشريح ! المهم أن الجثمان لم يخرج الا بعد ضغط النشطاء ، وتحركت الجنازة من شارع القصر العينى وسط الهتافات المؤثرة وضمت عدد كبير من المواطنين خلفها ، وصلينا الجنازة فى التحرير ودعينا ، وبعدين تحرك الجثمان للدفن

دى أهم مشاهد الجنازة


القصاص القصاص .. ضربوا اخواتنا بالرصاص

الشعب يريد ..اعدام الكلب حبيب

يا شهيد هناخد تارك .. لما نعدم حسنى مبارك

video

ده أكتر مشهد أثر فيا فى اليوم .. بنت كانت بتردد هتاف " الشعب يريد اعدام الكلب حبيب " بقوة  لدرجة الانهيار .. أعتذر انى مقدرتش أصورها لأنى مقدرتش أبص لها .. لكن صورت صوتها ورد فعلنا


video

الدعاء بعد الجنازة .. وتأكيد على النزول يوم 8 يوليو

video

أقارب محمود قطب

video

الصور








خيالك طايف معايا

روحك تحلق في سمايا

انت دم فوق الراية


ريح الحرية منســيـــــة

انت نار انت جمرة 

تسقي شعلة الثــــــــورة

 
بعثوك للموت وكذبو عليك وعلينا

عمري ماننسى مين انت 

انت جرح الأمة اللى ما يبراش 

انت صوت النكبة اللى متوفاش 

انت عين الموت اللى متتنسى 

عمرى ما ننسى مين انت



ليست هناك تعليقات: