الخميس، 28 أبريل، 2011

مواجهة تكشف تلاعب السباعى بتقارير الشهداء لتبرئة الشرطة !!


المصابين بطلق نارى ماتوا باختناق !! زى ما خالد سعيد اللى جمجمته مهشمة مات باختناق !!

حسبنا الله ونعم الوكيل 


الأربعاء، 27 أبريل، 2011

قصيدة تميم البرغوثى الجديدة يا شعب مصر: النص كاملا




يا شعب مصر اللى سابقه ضحكته غضبه 
 ما يطلع الصبح الا وصحبتك سببه
 يا مخلص الأرض من وحشتها فى الأكوان
 يا حجة الشمس تفضل طالعة ساعة كمان
 مستأذنة وهى مش عادتها الاستئذان
 متونسة بالميدان وبعشرته ونسبه

يا شعب يا مصلى قدام العساكر صف
 يجرى الجريح من ورا لقدام لا خاف ولا خف
 تدوس عليه العربية تحوله لميت ألف
ياللعجب يقتلوه ويتوقعوا هربه
 ياللعجب يقتلوه ويتوقعوا غيابه
 اللى اتقتل لسه واقف هو واصحابه
 ما بهدل الامن غير من ماتوا واتصابوا
 والصبح ما نور الا أّمّا الشموس غربوا

اضرب عليا انا مش جارى يا قناص
 من امتى خوفنا يا ابن الكلب ضرب رصاص
 كل اللى شاف الشهيد بقى تاره تاره الخاص
 الدم صاحى وعنيد ولا تقبلوش تربه

يا شعب ياللى دفع تمن الشوارع دم
 احفظ أسامى اللى ماتوا فى الشوارع صم
 الشارع اللى اصطفى وقصر الاماره لم
 ملوك قليلة الرباية ركبوا واتركبوا

شعب بغزالة اتخنق قلب التاريخ فى يومين
 لابس عباية جحا وهو صلاح الدين
 بيكرم الانبيا ويهزأ السلاطين
 والفجر خيله وحبات الرمال عربه

يا شعب مصر أكم فرعون وفرعونة
 ضربتهم ضرب سجادة فى بلكونة
 ضرب الملوك تربية صالحة ومضمونة
 ما يبقوا بنى آدمين الا اذا اتضربوا

ضرب الملوك مصلحة ، ضرب الملوك تأديب
 ما أحلى الملوك وهى بتجرى فى السراديب
 ولولا ضرب شجرة الدر بالقباقيب
 ما بين أغا وباش أغا كانوا التتار غلبوا

بعدين مبارك فاروق سادات محدش دام
 هو احنا شعب كده مبيعشلناش حكام
 عقبال جيرانا وحبايبنا كمان يا سلام
 لو كل من له رئيس نصحى نلاقيه قلبه

يا مصر لسه ولسه الثورة بلة ريق
 ما ينتهى لك طريق الا ويبدا طريق
 يا شعب مصر تعالى نتفق يا شقيق
 رج الملك قبل ما تنعم عليه بلقبه

رجه كده شوفه ان كان شغال
 واسأل عليه المكوجى واسأل عليه البقال
 أهم حاجة فى صفاته انه يكون يتشال
 متربى عال لما يمشى يلتزم أدبه

بتكون فى أحسن حالاتك لما تبقى مش محكوم
 بتبقى رايق لا ظالم ولا مظلوم
 بعدين ده غبى ايه ده اللى يهددك بالشوم
 يا مخلى ألف احتلال ينزل على ركبه

يا شعب انت اللى كارم كل من حكمك
 الدوله دى عارفه تحكم بس من كرمك
 كشرلها وهى هتيجى تبوس قدمك
 مفيش حاجة اسمها مليون راجل اتغصبوا

سايق عليك النبى ما تقول كفاية يا شيخ
 الملحمة أما تخلص يبدأ التاريخ
 وبكره جايه حروب فيها بكا وصريخ
 وبكره نصرك يخض الشمس من لهبه

سايق عليك النبى ما تقول كفايه كده
 من النهارده انتصاراتك هتبقى كده
 يا شعب مصر اللى رجالته وبناته كده
 حلال عليه لبن العصفورة لو طلبه

سايق عليك النبى ما تقول كده كفايه
 افرح وكمل ومتقولش كده كفايه
 الثورة دى بداية زى الهجرة والميلاد
 الثورة دى بسملة كمل بقى الآية
 مع كل مرة قراية حسنها يزداد
 والآية تجرى تسلم أختها الراية
 من غير نهاية وحتى الوقف مش معتاد
 وبكره أيامنا تبقى حكاية ورواية
 عن ناس يباتوا حفايا يصبحوا أسياد !


25 يناير يا شباب حصل ايه ؟!
 لو قلنا يعنى على الساعه 3 الفجر
 كان حد فينا طول أو جد حاجة عليه
 أو جاب سلاح أو ملايكه بشروه بالنصر 
 كان اختلف فينا إيه عن أى يوم قبليه؟!
نمنا غلابة، صحينا احنا ولاة الأمر
كان عرش مصر ف اوضنا واحنا ناسيينه
راميين هدومنا على شماله وعلى يمينه
طردنا عنه الحرامى غصب عن عينه
ونزلنا ع الميادين فى إدينا شايلينه

بقوا الملوك فى الشوارع والعبيد فى القصر
وف يوم وليلة اكتشفنا ان احنا والنبى مصر
ومصر مش حد تانى غيرنا يعنى يا بيه
وكل واحد سأل طب كنا ساكتين ليه


وشعب مين اللى كانوا الظبط حاكمينه
بدولة شومة ومختومة بختم النسر
وكل واحد قرا اللى كان على جبينه
رفع بدمه يمينه هدية وهداية
 
لو كانت الأنبيا ع المية مشّاية
لاجلك يا مصر مشينا باسمين ع الجمر
يا مصر وافتكرى أصل الدنيا نسايه
الملك ده حقنا ومفيش فراعنة جداد

إفرح وكمل وما تقولشى كده كفاية
الثورة ده بداية زى الهجرة والميلاد
مش بس مصر اتغيرت من وقفة الميدان
فيه مساحة ضلمة نورت فى طبيعة الإنسان


فيه حاجة ف طبيعة البشر

زى السمع زى البصر
زى اكتشاف القدرة ع الطيران
فيه حاجة كانت ضايعة وبانت


خلت الأمة استعانت
عالشقا بالله وهانت
هذه الدنيا على الفتيان
ارقينا وارقيهم يا عم الشيخ


فى حاجة خلت يشمك التاريخ
ينزل عن الوجه الجميل فيبان
فى حاجة أصلا فى الطبيعة 

تدعو للثورة على السلطان

شوف الشجر رغم الحجر 

طارح ثمر زى الخبر وبتعلنه الأغصان
شوف الهوا حب اللِّوا

فبقوا سوا هبَّة لها ألوان

شوف القمر يفضل قمر تحت الحصار
رغم اقتناعه إنه هايموت قبل ما يشوف النهار
تحصل مفاجأة تطلع الشمس ف حضوره
يختلط نورها بنوره


تشبهه ما تقولش واحدة من ولاده
هى معناه وامتداده
واخدة منه الموهبة والبغددة
وعشان كده
لغة يقولوا عنهم القمران


شوف النجوم ما لهاش نظام حاكم
تكسر كلمة العالم
يبص ويبقى مش فاهم
وهو شايفها ماشية بكيفها فى الأكوان


فيه حاجة غامضة بتكتشف
هى اللى بتخلى الحصان اللى اتحدف
من بطن أمه ولسه مش عارف يقف
يقزح ويجرى ويعرف انه حصان


فيه حاجة بتخلى السجين المستكين

فى كل حين اشطر من السجان
فيه حاجة بتخلى القوى عيِّل قوى

وبيتلوى من نكتة الغلبان
فيه حاجة بتخلى عيون الخلق ما تنامشى
وبتخلى المدن تمشى
وتخرج زى كلمة حق 

من غير قصد مابترجعش لو طلعت

وم الأسمنت والأسفلت يفلت فلت نهر مقدس الجريان
فليحذر السلطانُ زحف الغابة
والورد اذ يستأنس الدبابة
داب الحديد من لمسته دوبان


فيه حاجة خلت خطة الموت ترتبك
عابس وعايز يشتبك
خاف من ضحية جاية ناوية تاخده بالأحضان


وإذا بهذا الفجر يا اخواننا اتولد بيننا
وكنا احنا بنستنى وهو كمان بيستنا
واتاريه بس عايز إذن منا وهو فى يميننا
فلما أذنا خد منا وعطانا أمان


يا فجر يا سابق صياح الديك
يا شعب يا مشبك إيديك فى إديك
وكأنها خط الثلث فى آية القرآن
إديت لآدم معنى تانى زاد على كل المعانى
وربنا قال هو ده قصدى وده غرضى
كده بالظبط لا زيادة ولا نقصان



يا مصر و انتى لسه فى البدايات
بكرة اللى جاى اعظم من اللى فات
يا مصر قومى و بصى فى المرايات

كان كل واحد فى الميدان جايب معاه مراية
رافعها للسما
اشكال و الوان كلها مرفوعة فى العالى
صبحت مراية واحدة بتلالى

و بقت يا مصر الارض صورة للسما
لعبة بازل متكاثرة الاجزاء
لما البشر يتجمعوا تبان السما عالارض
و لما البشر يتفرقوا تلقى السما بتنفض

تبقى السما متوزعة جوة الشقق
و تمر ليلة من التوجس و القلق
و ننام و نصحى تانى يوم ترجع سم
ا لما البشر يتجمعوا مع بعض




يا مصر حقك تملكى بدل السما اتنين
واحدة هدية و واحدة تانية صانعها مصريين
يا مصر لو دققتى هتلاقى البراق
بيجر عربية فواكه فى الحوارى الضيقة

شوفى الصحابة و الحواريين على القهوة بيتناقشوا بحرارة
و السما على مد ايدهم مستشارة طيعة و رقيقة
شوفى المساجد كانت تشاور عالسما
صبحت تشاور عالبشر

و تقول اهما يا سما بصى و شوفى
و ابقى قولى لكل صوفى و هو طالعلك
طريق المعرفة اتغير
يوصل م السما للارض
لا يتوه و لا يحير

و شوفى الخلق وسط الموت تقابله و هى بتهزر
فيتلخبط و يتبعتر و سر الدنيا يتفسر
و نعدلها و نوزنها

بقول يا مصر قومى و بصى فى المرايات
فى سما الولاد هما اللى عاملينها
بيشوفوا بعض فى وش بعض
كأنى انا انت و هو انا و احنا الكل

احنا فى مرايا بعض بنصبح صباح الفل
افدى بروحى كل واحد فى المرايا طل
افدى الشهيد اللى بيتبسم
الفجر توب على اده متكسم
و الله اعلم مين من الاتنين فى صاحبه حل

افدى اللى سهران على الخيم فى الطل
و افدى اللى واقف يشتغل فى الظل
و افدى اللى شايل للعناد اشارات
يهدى التاريخ صوب الميدان لو ضل

و افدى اللى واقف هارى نفسه كلام
و افدى اللى يتتريق على الحكام
و افدى اللى رايح جاى ما بيتعبش
و افدى اللى جنبه حط فرشة و نام

و افدى طويل البال ما يتعصبش
و افدى المصاب اللى شوية و طاب
و افدى المصاب بهوى التراب و ما طابش
و افدى اللى صاب البلطجى و ما اتصابش

و افدى المقام العالى فى التحرير
دولة بلا أمرا و شعب امير





اعلم يا هذا الجيل ان الوطن بشره
لو مصر من غير نيل كان شعبها حفره
مش وصلوا بحرين وبنوا جبال اتنين
وف ظرف أسبوعين على خوفهم انتصروا

والخوف ده شىء معروف بيفرعن الحلوف
رزق الملوك الخوف من غيره يندثروا
رزق الملوك بقشيش من خوفنا شعب وجيش
ومفيش ملك بيعيش لو شعبك افتكره

ناس لسه فى العشرين نازلين على الميادين
بيهزأوا السلاطين من غير ما يعتذروا
يا شعب يا مجنون علم شعوب الكون
اللى اخترع فرعون قادر يجيب خبره

يا سادة الايام يا رافعين الهام
من بكرة بر الشام نادر لكم شجره
نادرها تين وزيتون فى القدس ينتظرون
جيش ع الغلابة حنون وعلى العدا ضرره


دافعين تمنها دما
يا امة الكرما
شعبك كانه سما
و الدنيا دى مطره

يا مصر حمد الله عالسلامة
مطر و نازل بدون غمامة
مطر يا سيدى نازل و طالع
كأنه مادنة و الارض جامع

و الارض دى مظاهرة فى الشوارع
تسقى السما جدعنة و شهامة
مطر طالع يقول لربه
الامهات اللى فى مصر ربوا
و يا بنات مصر قوموا حبوا
أجمل ما فى الراجل الكرامة

مطر و طالع عالفجر يدن
طلعت بنات مصر حلوة جدا
فى الحرب و الدنيا نار و معدن
طايرة و شايلة السما اليمامة

25 من شهر واحد
الفين و عشرة و زادوا واحد
كنا ملايين و كنا واحد
حددنا موعد يوم القيامة



قلت لصحابى انزلوا وانا بعيد عنهم
وقلت من بات فى بيته سلم اصحابه
وانا اللى غبت وهما اللى هنا اتصابوا

نزلوا الشباب الميدان وانا بعيد عنهم
كسروا الشباب البيبان وانا بعيد عنهم
خرج الشباب م البيوت وأنا بعيد عنهم
دخل الشباب فى الموت وانا بعيد عنهم

يا موتى قوم امتحنى أعتذر منهم
اشمعنى يا كلب تستثنينى من بينهم
يوم الخطر قبلها ما كنت اجبنهم

يا موت تعالى اعوض غربتى ومنفاى
يا موت تعالى أحاسبك ع القديم والجاى
يا موت تعالى ونتقاسمك أنا وعداى
ولا تطال عزوتى وانا بعيد عنهم




اصل الحكومة قالتلى انت مش مصرى
انت فلسطينى يعنى اجنبى حصرى
طيب يا بيه يعنى بلاد الشام بلاد اروام
اعيد كلام قلته 100 مرة ده يبقى كلام!؟

مش أم هاشم بلدها السيدة زينب
مش الحسين فى الحسين و اللا لازمله جواز
و الا هيختار ما بين مصر و عراق و حجاز
 و المرسى و الشاطبى جم م الاندلس الاتنين
من مرسية و شاطبة ان كانوا مش باينين

فى اسكندرية اجانب و اللا مصريين
أسمائنا هى بلادنا يا حسن و حسين
اسمائنا زى العلم زى اللغة و الدين
اسمائنا هى الوطن له دمنا لو عاز

و اسمى خلالى فى الارض العريضة ملاذ
و عزوة فى كل دار تنطق حروفه تمام
و فى كل دار ليا صحبة و ليا أهل عزاز
 كان نفسى يا مصر يتأكد كلامى بدم
و الدم يا مصر برضه عالمحبة قليل

قالولى بتحب مصر قلت مش عارف
هو الهوا يبأة جارف لما اقول جارف
و اقعد األف اغانى عن جمال النيل
و حكاية الشرب ميت مرة و هرم و نخيل
و الّا الهوا الحق هو اللى يهد الحيل

و اولى شىء فى الهوا يا مصر شيل الهم
ياللى تحب النبى ايدك معانا وشيل
الحب اتقل من اسمه و اسمه نفسه تقيل
و فى التباس المحبة عالمحبة دليل

ما تعرف اللى اصابك عشق و اللا تعب
و الشوق بيقلب مع الحرمان ساعات بغضب
و الصبر بس اما يخلص
بيبقى صبر جميل




يا اهل مصر
و انا اهلى فى مصر عرب
اهلى عزازمة و عشايرة
الخال و خال و الخال

ما بين شراقوة و صعايدة
بدو فى الحالتين
قولولى دول عرب او دول مصريين
او دول الاتنين سوا فى الحل و الترحال

بعدين انا اسمى تميم
و هروح من اسمى فين
مش فيه فى مصر قريش
قالوا البراغتة قريش
من بيت عدى بن مرة
و النسب عمرى

حطوا الحدود و العشيرة واحدة فى البلدين
و سلك شائك فرق من قالوا ليه او ليش
و كنت اطنش لو ان البحث ده نظرى
لكن ده فيه دم سال

و اسأل رفح و عريش
و اسأل ملوك ترهن الأقصى برغيف العيش
و اسأل حدود تحرم المسلم من الحرمين
و اسال فى غزة الوف فى الحرب متحاصرين

و يخيرونى العيال فى حب أب و أم
أنا ابن رضوى و مريد
اسمى تميم من تمّ
و كل دار فى العرب لى فيها خال أو عم
و اللى يقول غير كده بينى و بينه الدم
مين اللى يثبت و مين اللى يجرى



شد الكلام عمته و اختار اعز جواد
و رد قاصد بلاده و الهوى رداد
و ابن الاصول اللى ما يبدل بلاد ببلاد
و الغربة مرة و لو كانت هدومها جداد

فى مصر بعد السفر وجد الكلام معناه
و اهل مصر صحابى و اولياء الله
يا اوليا لسه فى العشرين و فى التلاتين
يستنجدوا المؤمنين فى المأزمة بيكم

يا فارجين الكرب بين العرب عناوين
منعنى عنهم مطار القاهرة و اسمى
و انى لو جيت يقولوا اجنبى مسكناه
مسكنا واحد اهو له مديح فى حزب الله

يتهموا اصحابى بيا مش انا بيهم
و اضرلى ستة سبعة اكون فى وسطيهم
عبال ما خلص الكلام ده
النصر كان مضمون
القلب فرحان و لكن اتعبه منفاه

و هده بعده عن اللى عاش بيستناه
ما فضلش غير انى انحنى حبا و اقول الله
الله افردنى عنهم و جمعهم
لكى اراهم على بعد و اسمعهم
قد فاز فوزا عظيما من قضى معهم




لما تشوف الشهيد تبقى السلامة خجل
وتبقى عايز تقول له يا أخى آسف
طب قول لى بس اعمل ايه، لو يعنى فيها عمل

اللقمة دى لك نصيب فيها باشيلهولك
واشيل نصيبك من القاعدة وكاسات الشاى
لكن نصيبك فى أنفاسى أشيله إزاى
وازاى أشيللك نصيبك من فرحنا الجاى

ساعات ألاقينى باطلب خط محمولك
بعمل فى نفسى كده ليه، لسه مش عارف
و اروح على القهوة أسأل، هو جه وسأل

من قال لك الموت طبيعى يبقى مش شايف
الموت ده شىء مش طبيعى
الموت ده أصله خلل
الأصل فينا الخلود
وهييجى يوم نلقاه

ما تحسبوش الشهيد اداكوا بس حياة
ما موتوش هو وحده اللى برصاصة رماه
ده طخ ابنه اللى لسه ما اتولدش معاه
وطخ أولاد ولاده لآخر الأيام
 موت معاه بشرية كاملة محتملة

عدوا كان فيها كام شاعر وكام رسام
وكام طبيب عبقرى بين الأطبا إمام
وفيلسوف له على حكم الليالى كلام
وبنت نظرتها تشفى القلب من داؤه

فى شعب كامل رحل ما عرفش أسماؤه
في جسم كل شهيد فيه مصر مكتملة
فخلوا مصر اللى فاضلة تعيش كما شاؤوا


 تنوبه : استعنت بتفريغ ايناس عبد الحميد لاكمال الجزء الأخير من القصيدة لذا لزم التنويه :)

سكرتيرين المحافظات : 28 لواء جيش ، 6 داخلية ، 18 حزب وطنى ، اضحكى يا ثورة !!!!


لفت انتباهى حل أزمة محافظ قنا  بتعيين اللواء ماجد عبد الكريم سكرتير عام المحافظة فى الحركة الأخيرة قائما بأعمال المحافظ لمدة ثلاثة أشهر ! وهو ما دفعنى لمحاولة استكشاف خلفيات القائمين على هذه المناصب الهامة والمؤثرة بحياتنا اليومية وقد كنا لا نلتفت كثيرا لحركات المحليات قبل الثورة ولكن بعدها صارت المعرفة والاهتمام واجبين ، جدير بالذكر أن المسئول عن هذه التعيينات هو وزير التنمية المحلية ومحافظ سوهاج السابق  اللواء محسن النعمانى وكيل جهاز المخابرات العامة السابق والذى كان المسئول فيه عن الملف الفلسطينى .

وقد كانت عملية البحث صعبة نسبيا نظرا لأن قرار التعيين المعمم على الصحف ذكر الاسم الرباعى وليس اسم الشهرة كما لم يذكر اللقب المهنى ، لكن تمت المهمة بنجاح على أية حال

وكان اكتشافا جديدا بالنسبة الى أنه يتم انتداب لواءات القوات المسلحة والداخلية أثناء الخدمة كرؤساء مدن وأحياء وسكرتارية محافظات بل ويتم نقل المعزولين من الدلتا وتعيينهم فى الصعيد فى استغفال غير مسبوق وكأننا فى عصر القناة الأولى ، وقد اقتصرت فى هذا التقصى على منصب سكرتارية عموم المحافظات والسكرتارية المساعدين دون رؤساء المدن والأحياء  ، وجاءت المحصلة النهائية كالتالى :

28 لواء جيش بينهم 11 بالخدمة ، 6 لواءات داخلية بينهم 1 بالخدمة ، و18 حزب وطنى !!


محافظة القاهرة :

 - السكرتير العام : اللواء عبد الفتاح عبد العزيز ، منتدب من القوات المسلحة ، باق فى المنصب ،  سبق له شغل منصب السكرتير العام المساعد للمحافظة.

- السكرتير العام المساعد : اللواء عادل طه ، لواء سابق  بالقوات المسلحة ،  باق فى المنصب ، سبق له شغل منصب رئيس حى مصر الجديدة .

-محافظة الجيزة :

- السكرتير العام : اللواء محمد عبدالنور الشيخ  ، منتدب من القوت المسلحة ،   سكرتير عام محافظة 6 أكتوبر السابق ، كما سبق له شغل منصب سكرتير عام  محافظة الاسماعيلية ، و سكرتير مساعد محافظة شمال سيناء 

- السكرتير العام المساعد :  اللواء أحمد هانى ، منتدب من القوات المسلحة ،  سكرتير عام مساعد محافظة حلوان السابق .

-محافظة الاسكندرية:

- السكرتير العام : اللواء خيرى عبد الحميد حماد  ، لواء سابق  بالقوات المسلحة ، باق فى المنصب .

- السكرتير العام المساعد : اللواء عماد الدين الفقى ، لواء سابق بالقوات المسلحة ، رئيس مركز ومدينة فارسكور السابق .



-محافظة السويس :

- السكرتير العام : موسى محمود موسى  ،لواء سابق بالقوات المسلحة ، كان يشغل منصب سكرتير عام مساعد محافظة 6 أكتوبر .

- السكرتير العام المساعد : اللواء عز العرب الناحل  ، منتدب من القوات المسلحة ، رئيس حى عتاقة بالسويس السابق .


- محافظة شمال سيناء :

- السكرتير العام : اللواء محمد خليل الكيكى ،  لواء سابق بالقوات المسلحة ،  باق فى المنصب .

- السكرتير العام المساعد : اللواء جابر العربى ، منتدب من القوات المسلحة  ، رئيس مركز ومدينة العريش السابق . 



- محافظة جنوب سيناء :

-السكرتير العام : اللواء جمال  الغمرى ، لواء سابق بالقوات المسلحة ، باق فى المنصب ، سبق له شغل منصب رئيس مجلس مدينة دهب.

-السكرتير العام المساعد :  اللواء أحمد صالح الأدكاوى ،منتدب من القوات المسلحة ،  باق فى منصبه ، سبق له شغل منصب رئيس مجلس مدينة شرم الشيخ .


محافظة القليوبية :

- السكرتير العام : المحاسب شريف حسب النبى الجمسى ، باق فى منصبه ، منتدب من ديوان عام المحافظة ، وكان منسقا عاما بين الوكالة الألمانية ومحافظة القليوبية .

- السكرتيرالعام المساعد : المهندس عرفة عبد الجواد ، رئيس  مدينة طوخ السابق ، وسبق له شغل مناصب رئيس مدينة الخانكة ، ورئيس مدينة شبين القناطر .


محافظة البحيرة : 

- السكرتير العام : اللواء أمير عباس ، لواء سابق بالقوات المسلحة ، باق فى المنصب .

-السكرتير العام المساعد : اللواء محمد  تاج الدين  ، لواء سابق بالقوات المسلحة ، باق فى منصبه  .


محافظة الدقهلية : 

-السكرتير العام : اللواء محمد  عبدالقادر ، منتدب من القوات المسلحة ، سكرتير عام محافظة حلوان السابق ، وسكرتير مساعد محافظة الاسكندرية الأسبق .

السكرتير العام المساعد : المهندس عمر نبيه حسانين  ، منتدب من ديوان عام المحافظة ، باق فى المنصب .


محافظة الغربية :
-السكرتير العام : المحاسب على سنجر ، منتدب من ديوان علم المحافظة ، باقى فى المنصب .

-السكرتيرالعام المساعد :  اللواء مصطفى بدر ، لواء شرطة سابق ، باق فى المنصب ، مدير سابق لمباحث مديرية أمن حلوان.


محافظة الشرقية :

- السكرتير العام : اللواء أحمد فوزى، منتدب من وزارة الداخلية ،باق فى المنصب ، شغل من قبل منصب  السكرتير العام المساعد بالمحافظة ، ونائب مدير أمن المحافظة  .

 -السكرتير العام المساعد : اللواء أسامه ضيف ، منتدب من القوات المسلحة ، رئيس مدينة القنطرة السابق .


محافظة كفر الشيخ :

-السكرتير العام  : المهندس حافظ  عيسوى ، منتدب من ديوان عام المحافظة ، باق فى منصبه .

-السكرتير العام المساعد : اللواء سعد  العجمى ، لواء سابق بالقوات المسلحة ،  سبق لع شغل مناصب رئيس حى العمرانية  ، ورئيس مدينة البدرشين السابق.



محافظة الاسماعيلية :


- السكرتيرالعام : اللواء أحمد  كامل عبد المطلب ، منتدب من القوات المسلحة ،  باق فى منصبه ،سبق له شغل منصب السكرتير العام المساعد لمحافظة شمال سيناء.

- السكرتير العام المساعد : أحلام عبدالعال ، باقية فى المنصب الذى عينت فيه عام 2008  ، مهندسة اتصالات ، ورئيس سابق لمدينة ومركز المراغة ، ومدينة ومركز المنشأة بسوهاج .




محافظة المنوفية :


السكرتير العام : اللواء طه عباس  زغلول ، منتدب من القوات المسلحة ، باق فى المنصب ، كان رئيس مدينة المحلة الكبرى .

السكرتير العام المساعد : اللواء ا ح يس حسام الدين طاهر ، لواء سابق بالقوات المسلحة ، باق فى المنصب ، مرشح الحزب الوطنى عن دائرة أشمون بالمنوفية لمجلس الشعب 2010 ، رئيس سابق  لحى فيصل بالسويس .



محافظة دمياط:

-السكرتير العام : اللواء فايز  شلتوت ،لواء سابق بالقوات المسلحة ، رئيس مدينة كفر الزيات السابق  ، ومدينة المحلة من قبل.

- السكرتير العام المساعد :المهندس محمد صلاح عبد الرحمن ، انتدب للمنصب فى شهر مارس الماضى ، رئيس مدينة البدرشين السابق 




محافظة بورسعيد :

-السكرتير العام : الأستاذ محمود معوض مطاوع ، سكرتير عام محافظة الشرقية السابق ، معين وغير منتدب .

- السكرتير العام المساعد : الأستاذة نشوى موسى ندا ، باقية فى المنصب .




محافظة الوادى الجديد:


- السكرتير العام : اللواء محمد فؤاد هلال ، لواء شرطة سابق ، مساعد الوزير لأمن الأقصر السابق .

- السكرتير العام المساعد : السيدة زينب حسانين  ،معينة وغير منتدبة ،  رئيسة سابقة لمركز أجا ومركز ميت سلسيل ، خريجة الاقتصاد والعلوم السياسية ، وكانت مديرة للعلاقات العامة بمجلس مدينة غمر.


-محافظة مرسى مطروح:

-السكرتير العام : اللواء محمد صديق نبوى ، لواء سابق البقوات المسلحة ، كان سكرتير عام محافظة الجيزة .

- السكرتير العام المساعد :   الأستاذ السيد أحمد الامام ، باق فى المنصب ، منتدب .

-محافظة الفيوم :
- السكرتير العام : اللواء جمال عبد الله حامد ، منتدب من القوات المسلحة ، السكرتير العام السابق للفيوم ، كما شغل مناصب سكرتير عام مساعد جنوب سيناء، ورئيس مدينة الطور .

: السكرتير العام المساعد السيدة هناء عبدالعزيز ، السكرتير العام المساعد السابق لمحافظ 6 أكتوبر، معينة وليست منتدبة .


- محافظة المنيا : 

    محاسب أحمد حشمت عز الدين، :  السكرتير العامسكرتير عام  محافظة دمياط السابق ، ومرشح الحزب الوطنى عن دائرة الباجور فى انتخابات الشورى 2010 ، وهو من رجال كمال الشاذلى ويصفه بأبيه الروحى ! وكان رئيسا لمدينة الباجور ، معين وغير منتدب  .

- السكرتير العام المساعد : اللواء عبد الناصر الدمياطى ، لواء سابق ،  وهو نفس اسم رئيس مدينة دسوق الذى تمت اقالته الشهر الماضى بعد مظاهرات تندد بفساده ومخالفاته المهولة  ! 

يبدو أن المنيا كانت على موعد مع الحظ السعيد ! أو أن ذكاء من قام بهذه التعيينات جعله يظن أن المسافة بين الدلتا والمنيا كفيلة باخفاء الرائحة ! أرجو أن أكون مخطىء وأن يكون مجرد تشابه لواءات !!

-محافظة بنى سويف : 

- السكرتير العام : اللواء اسماعيل طاحون ، لواء سابق بالقوات المسلحة ، السكرتير العام المساعد السابق للمحافظة ، كما كان رئيسا لحى المعادى بالقاهرة  من قبل .

- السكرتير العام المساعد  : اللواء السعيد عبدالمعطى ، لواء سابق بالقوات المسلحة ،  الرئيس السابق لحى غرب المنصورة ،كما كان رئيسا لمدينة منية النصر ، وقد شهد الشهر الماضى مظاهرات ضده مطالبة باقالته ، ويبدو أن استراتيجية وزارة الادارة المحلية هى ترقية القيادات المرفوضة شعبيا ونقلهم للصعيد !

- محافظة سوهاج :

-السكرتيرالعام : المهندس علاء يس ، باق فى المنصب  ، معين وغير منتدب .

- السكرتير العام المساعد : - المهندس فرج عبدالحميد  ، باق فى المنصب ، كان رئيس مدينة جرجا ، معين وغير منتدب .


- محافظة أسيوط : 
السكرتيرالعام : اللواء  يعقوب امام ، لواء سابق بالداخلية ، السكرتير العام المساعد السابق 

السكرتير العام المساعد : المحاسب جمال آدم ، رئيس مدينة منفلوط السابق ، معين وغير منتدب .



-محافظة الأقصر : 

- اللواء علاء الهراس ، لواء داخلية سابق ، السكرتير العام السابق لمحافظة المنيا كما  كان السكرتيرالمساعد من قبل بنفس المحافظة .
- السكرتيرالعام المساعد : اللواء أحمد عبد العزيز ، لواء داخلية سابق ، باق فى المنصب .

- محافظة قنا :

- السكرتير العام المكلف بأعمال المحافظ لمدة 3 أشهر ربما يعين بعدها محافظا ! :  اللواء ماجد عبد الكريم  : لواء سابق بالقوات المسلحة ،سكرتير عام محافظة البحر الأحمر وكذلك بنى سويف سابقا ومن قبلها الوادى الجديد التى كان رئيسا لمدينة الخارجة بها  ،كانت خدمته بالمنطقة الشمالية العسكرية .

- السكرتير العام المساعد: المحاسب أحمد عرابى خليفة ،  منتدب .


- محافظة أسوان 

-السكرتير العام : اللواء محمد مصطفى كمال ، منتدب من القوات المسلحة ، باق فى المنصب .

- السكرتير العام المساعد : المهندس مصطفى عبد المحسن ، باق فى المنصب ، كان رئيسا لمدينة أسوان ، معين .




الاثنين، 25 أبريل، 2011

قصيدة تميم البرغوثى الجديدة : يا شعب مصر

أحدث قصائد الشاعر تميم البرغوثى التى ألقاها فى نقابة الصحفيين بالقاهرة ، مساء الأحد 24 ابريل 2011






الأحد، 24 أبريل، 2011

الرد على صبحى صالح : كشف أسطورة الدول التسع التى تشترط ديانة وطائفة الرئيس !


شدتنى أمس تصريحات القيادى الاخوانى صبحى صالح بأن هناك 9 دول يحدد دستورها ديانة الرئيس بل وطائفته ! ولأنه لم يذكر هذه الدول ولأنى أعلم أن الاسلامويون غالبا ما ينقلوا من نفس الكتاب دون تثبت ! قررت البحث فى المنتديات الاسلاموية للتوصل لهذه الدول والبحث فى دساتيرها بنفسى

وبالفعل وجدت أن هذه الدول التسع المزعومة حسب المنتديات الاسلاموية هى كالتالى : اليونان وتشترط رئيس مسيحى أرثوذكسى ! ، الأرجنتين وتشترط رئيس مسيحى كاثوليكى ! ، فرنسا وتشترط رئيس مسيحى كاثوليكى ! أمريكا وتشترط رئيس مسيحى بروتستانتى ! ، السويد وتشترط مسيحى بروتستانتى ، الدنمارك وتشترط مسيحى بروتستانتى ، انجلترا وتشترط مسيحى انجليكانى ، أسبانيا وتشترط مسيحى كاثوليكى ، لبنان وتشترط مسيحى مارونى !

ولم تذكر المنتديات التى ينقل بعضها من بعض دون ذكر المصدر أى توثيق لهذه المزاعم ، بالطبع أى شخص محدود الثقافة سيقرأ هذا التفصيل سينبهر ويصدق بدون نقاش ! ، فمجرد ذكر المعلومة بالتفصيل يمنحها مصداقية كافية لدى هؤلاء رغم أن جوجل أقرب اليهم ولكن لا يبصرون !

لكن دعنا قبل أن نبدأ فى الفحص نؤكد على عدم الخلط بين طبيعة النظام الحاكم فى الدول ، فالدول ذات النظام الرئاسى تختلف عن البرلمانى ، تختلف عن الملكية الدستورية ، فلا يمكن أن تقارن متطلبات منصب الرئيس فى دولة جمهورية يفترض فيها المساواة بين جميع مواطنيها بمنصب الملك لدى دولة أخرى وهو المختار من شريحة صغيرة للغاية هى العائلة المالكة ويبقى مجرد رمز للدولة وتاريخها ولا يحكم ، وانما السلطات بيد رئيس الوزراء وهو ما يجب أن نقارنه بمنصب الرئيس لدينا !

ونبدأ البحث

1- اليونان

لا يوجد بدستورها أى نص يشير الى ديانة الرئيس ، وان كان يشير الى المذهب السائد فى الدولة

The prevailing religion in Greece is that of the Eastern Orthodox Church of Christ. The Orthodox Church of Greece, acknowledging our Lord Jesus Christ as its head

2- الدستور الأرجنتينى

لا يوجد به أى اشارة لديانة الرئيس ، وان كانت المفارقة أن هذا النص كان موجودا بالفعل ولكن تم حذفه عام 1994 لأن الزمن تجاوزه ! ويبدو أن الاسلامويون لا يحدثون معلوماتهم أبدا ! أو أنهم يريدون الاستشهاد بنفايات الدول وما تجاوزته بعد التأكد من خطأه !

The Constitution once stated that the president must be a Roman Catholic. This requirement was removed from the text in the 1994 constitutional reform, since the president no longer designates Argentine bishops


3- الدستور الأمريكى

لا وجود لأى نص يحدد ديانة الرئيس بل يؤكد على العكس !

no religious Test shall ever be required as a Qualification to any Office or public Trust under the United States


4 - الدستور الفرنسى

بالطبع لا توجد أى اشارة لديانة الرئيس أورئيس الوزراء ، حتى المادة الوحيدة التى جاء فيها اشارة للدين كانت كالتالى

France shall be an indivisible, secular, democratic and social Republic. It shall ensure the equality of all citizens before the law, without distinction of origin, race or religion. It shall respect all beliefs. It shall be organised on a decentralised basis.


5- الدستور السويدى

لا توجد أى اشارة لديانة الملك أو رئيس الوزراء ، بل على العكس اشارة صريحة لصيانة وتشجيع الديانات والثقافات المختلفة !

Opportunities should be promoted for ethnic, linguistic and religious minorities to preserve and develop a cultural and social life of their own.


6- الدستور الأسباني

لا يوجد ماينص على ديانة الملك أو رئيس الوزراء

No religion shall have a state character. The public powers shall take into account the religious beliefs of Spanish society and maintain the appropriate relations of cooperation, with the Catholic Church and other denominations.


7- الدستور الانجليزى

لا يوجد أى نص على ديانة رئيس الوزراء وهو الحاكم الفعلى ، وان كان يذكر أن الملكة هى رأس الكنيسة الانجليزية وهو أمر تاريخى منذ نشأة هذه الكنيسة على يد اليزابيث الأولى لتوحيد الانجليز البروتستانت والكاثوليك والقضاء على التوترات الدينية

the 'supreme governor' of the established Church of England


8- الدستور الدنماركى

الدنمارك ملكية دستورية السلطة التنفيذية فيها بيد رئيس الوزراء ، ولا يوجد أى نص يحدد ديانة رئيس الوزراء ، وان كان يوجد نص يحدد ديانة الملك باعتباره رمزا للدولة وهو أمر مفروغ منه لأن السلالة الحاكمة لا تتغير ولا تنتخب !

The King shall be a member of the Evangelical Lutheran Church.


9- الدستور اللبنانى

المفاجأة أن الدستور اللبنانى لا ينص على ديانة أو مذهب أى مسئول تنفيذى !!

لكل لبناني الحق في تولي الوظائف العامة لا ميزة لأحد على الآخر إلا من حيث الاستحقاق والجدارة حسب الشروط التي ينص عليها القانون.

بالطبع يعلم معظم العرب أن نظام المحاصصة الطائفية فى لبنان يشترط أن يكون الرئيس مسيحى مارونى ، ورئيس الوزراء مسلم سنى ، ورئيس البرلمان مسلم شيعى ، وهو نظام كريه وانقسامى ويخجل منه اللبنانيون أنفسهم ، ولكنه ضمن اتفاق الطائف وليس ضمن الدستور اللبنانى كما يدعى الأستاذ صبحى صالح ، فهل يريد هؤلاء مثل هذا لمصر؟!


هامش : الأمر ليس قاصرا على المنتديات فها هو مقال على موقع الاخوان الرسمى يشير لدراسة للأستاذ محمود غزلان عضو مكتب الارشاد عن هذه الدول ويذكر 5 منهم تناولتهم فى مقالى وهم أمريكا وإنجلترا وإسبانيا والدنمارك واليونان !

نقطة نظام ضرورية : لأن البعض لديه حساسية من كلمة " الاسلامويون " ويترجمها بالضرورة على العداء للاسلام ، أؤكد على اعتزازى بدينى وشريعته السمحاء ، لكنى لا أقبل أن يستغل أحد ما نتفق عليه جميعا ليكون أداة فى ميدان السياسة الذى نتنافس جميعا فى تقديم حلول بشرية له ، وتطبيق الشريعة لا يكون باللجوء للأكثر تمظهرا بالاسلام والذى يرفع شعاراته علانية ، بل بالأكثر امتثالا وتطبيقا لها فى حياته العملية وفى برامجه الاصلاحية، وأنا شخصيا مسلم متدين وأرى أن اليسارهو الحل !