الثلاثاء، 31 مايو 2011

لواء مصرى يقر باجراء "فحوصات عذرية" للمتظاهرات !


هذه ترجمة لتقرير خطير نشر اليوم على موقع السى ان ان يحمل اعترافا لأول مرة من مسئول عسكرى مصر باجراء فحوصات العذرية على معتقلات 9 مارس بل ويحمل اتهامات وتبريرات لا تقل خطورة !


القاهرة - من شهيرة أمين - (سى ان ان ) :

أقر لواء مصرى بارز بأن "فحوصات عذرية" قد أجريت على النساء اللاتى تم اعتقالهن فى مظاهرة هذا الربيع ، فى اقرار هو الأول من نوعه بعد طول انكار من قبل السلطات العسكرية .

نشأت هذه الادعاءات فى تقرير منظمة العفو الدولية ، المنشور بد احتجاج 9 مارس بأسابيع . زعم التقرير أن النساء المحتجات جرى ضربهن ، صعقهن بالكهرباء ، تفتيشهن ذاتيا باجبارهن على خلع ملابسهن ، وتهديدهن بتلفيق تهم بغاء لهن وجرى اجبارهن على الخضوع لفحوص العذرية .

فى ذلك الوقت ، صرح الرائد عمرو اما بأن 17 امرأة تم اعتقالهن ولكنى أنكر ادعاءات التعذيب أو "فحوص العذرية "

ولكن الآن .  صرّح لواء بارز - والذى طلب عدم الكشف عن هويته - بأن فحوص العذرية قد أجريت ودافع عن هذا الفعل .


قال اللواء " الفتيات اللاتى جرى اعتقالهن لم يكن مثل ابنتى أو ابنتك، هؤلاء كانوا فتيات قمن بالتخييم فى ميدان التحرير مع محتجين ذكور فى نفس الخيم ، ولقد وجدنا فى الخيم زجاجات مولوتوف ومخدرات "


قال اللواء أن فحوص العذرية قد أجريت لكيلا تدعى النساء لاحقا أنه قد جرى  اغتصابهن على يد السلطات المصرية .


قال اللواء :" لم نشأ أن يدعين أنه تم هتك أعراضهن أو اغتصابهن ، لذا فقد أردنا أن نثبت أنهم لم يكن عذراوات فى المقام الأول ، ولم يكن أيا منهن عذراوات "


جرى هذا الاحتجاج بعد شهر تقريبا من تنحى الرئيس طويل الأمد حسنى مبارك وسط موجة من الاضطرابات الشعبية التى يغلب عليها الطابع السلمى والتى استهدفت الاطاحة به وتأسيس نظام ديمقراطى .

 بعد ذلك ، قامت المؤسسة العسكرية -والتى بقيت الى حد بعيد على هوامش الثورة - بالاضطلاع رسميا بمقاليد الحكم فى البلاد ، وذلك حتى يجرى التوافق على الدستور واجراء الانتخابات 


ترجمة : أحمد العش


للاضطلاع على التقرير الأصلى على موقع السى ان ان

الاثنين، 30 مايو 2011

أحد قيادات القوات المسلحة : النقد لأداء المجلس الأعلى مطلوب ولا يمكن نصل لنتائج مرجوة الا بالحوار والنقد



جزء من مداخلة "أ؛د قيادات القوات المسلحة" فى برنامج آخر كلام حيث واجهه الناشط الحقوقى الأستاذ جمال عيد بمسألة نقد أداء المجلس الأعلى وأكد فيها بوضوح على حق النقد !

 طيب ليه تحقيقات النيابة العسكرية مع النشطاء مثل رشا عزب وبثينة كامل وعايده الكاشف والآن حسام الحملاوى ومعه ريم ماجد ؟!!!!!؟؟؟


البسطويسى يطرح رؤيته نحو التوافق : انتخاب جمعية تأسيسية تضع دستور بدلا من اعلان المجلس ، وانتخابات البرلمان تجرى فى موعدها

رؤية المستشار البسطويسى لاحداث التوافق الوطنى حول الدستور وكيفية انتخاب الجمعية التأسيسية ، من ندوة الساقية مساء الأحد 29 مايو










طرح لأمثلة لبعض المبادىء الفوق دستورية لاحداث توافق حول الدستور حتى لو شكلت جمعيته التأسيسية مجلس الشعب



الأحد، 29 مايو 2011

دعوة للتدوين يوم 1 يونيو ضد المحاكمات العسكرية


ودى أغنية جميلة من تونس الشقيقة شايف انها مناسبة جدا للحدث


حلّ آك الفم، تكلم، حرّية لسانك مطلوق
هاذي بلادي ، نحكي فيها مانيش مجنون
ويني الحرية وقتلّي تمشي تشوف السجون


حاكم يخلبز بالفلوس يبيعوا في القانون
وين الصحافة وين الإعلام وين التيليفزيون

وين القرّاية (المثقفين) وين الناس وينك يا المتعلم

في كل محل منين تمشي تلقى تصورة المعلم

تعيشوا في الهم و الغم و حد ما يتكلم

ورقة ،ستيلو (قلم) ضد الريح, ما تخبيش الي تشوفو صحيح
برشا حفر, عينيك لا تطيح في اللوطا


عيش راجل, قلبك صحيح, ما تخلي الكرامة تطيح
أحكي, كلم, ناقش قول ليبرتا(حرية)


السبت، 28 مايو 2011

اعتصام التحرير عصر اليوم السبت 28 مايو 2011

تحديث تم فض الاعتصام مساء السبت وتأجيله ليوم الخميس القادم لاتاحة فرصة أمام الحكومة لتنفيذ المطالب











رسالة للطبقة الوسطى في مصر...مقال رائع



أنا هأقول كلام هنا هيزعل ناس كتير مني... بس لازم يتقال... 
ارجوك إذا كنت من الطبقة الوسطى, أو الطبقة الأعلى منها حبة أو حبتين, وعمرك مااتكلمت في أو اهتميت بالسياسة قبل الثورة, يا ريت تقرأ الكلام ده... 

من الآخر كده, الديمقراطية مش ببلاش... 
مفيش أصلا حاجة كويسة في الدنيا دي ببلاش.. مش كده؟ 
وإذا كنت إنت من الطبقة المتوسطة أو فوق المتوسطة في مصر, بس إنسان نضيف وعايش بما يرضي الله, يبقى أنت أكيد عارف إنه مفيش حاجة ببلاش... 

الديمقراطية زي أي حاجة كويسة, مكلفة... مكلفة قوي على فكرة. 
بص كده على تاريخ أي دولة إنت شايفها ديمقراطية ناجحة النهارده و اسأل نفسك هم صحيوا في يوم و ليلة لقوا نفسهم دولة متحضرة ولا تعبوا, وعانوا وقابلوا مشاكل بالهبل لحد ماوصلوا للي هم فيه النهاردة... 
امثلة بسيطة... على سبيل المثل لا الحصر.. 

1. امريكا: 
ابتدت على اسس ديمقراطية, لكن كان فيها تعصب, وعنصرية, وتطرف ديني دخلتها في حروب اهلية عصيان مدني وبلاوي ياما... 
تسألني فين كل ده: 
- طبعا عارف التمييز العنصري ضد السود كان عامل ازاي... وقبل مايكون تمييز عنصري, كان استعباد صريح... وقامت بسببه حرب اهلية بين الشمال والجنوب... راح بسببها آلاف الشباب وعشان إيه, عشان فيه ناس عنصريين و انتهازيين, شايفين انهم من حقهم امتلاك واحد وتشغيله بالسخرة, لأ وكمان عياله من بعده... 

- نيجي بقى للتطرف الديني: تسمع بقى عن الكلو كلكس كلان؟
Klu Klux Klan or KKK
دور عليهم في جوجل كده وإنت تعرف... الناس دي مسيحيين بيض, كانوا بيضطهدوا السود واليهود وأي حد مش عاجبهم من الاخر... كانوا مجرمين بكل ماتحمله الكلمة من معنى... 
عاوز تعرف بيعملوا إيه: كانوا لما يمسكوا واحد يهودي أو اسود ومش عاجبهم, كانوا يعلقوه في شجرة أو أحيانا يعملوله صليب (شوف البجاحة) و يلوعوا فيه نار وهو صاحي... و يقولك احنا مسيحيين وبنعمل كده عشان دي ارادة الله إنه الناس دي متعيش مبينا... أنا دول في رأيي غلبوا السلفيين و الإخوان على بعض... 
وعلى فكرة, هم لسة موجودين, بالذات فالجنوب, بس مستخبيين لأن دلوقتي ميقدروش يعملوا كده... 
وعلى فكرة برضه, دول كانوا موجودين بقوة لحد اوائل الستينات من القرن العشرين.. يعني قريب... 
امريكا فين النهارده من الكلام ده؟

2. ألمانيا: 
هتلر, والحزب النازي, وصلوا للحكم بديمقراطية صحيحة 100 %
لا تزوير ولا ضحك على الناس.. كان عندهم فكر قوي مش باين اطلاقا تطرفه, ولا إنه يميل للتمييز العنصري ولا أي حاجة... مجرد برنامج انتخابي قوي.. وكسبوا الإنتخابات به, وبعدين عينك ماتشوف إلا النور... 
قلبوا بقى عالوش التاني, و احنا أحسن جنس, وهنبيد الباقي, و جيتو بقى والذي منه... لحد الحرب العالمية التانية. 
ألمانيا فين النهارده من الكلام ده؟

3. ايرلندا:
حرب اهلية طاحنة بين البروتستانت والكاثوليك لسنين طويلة... 
هي فين النهارده؟ 

4.جنوب افريقيا:
مش محتاج أحكي حكايتها... دور بس على نيلسون مانديلا وإنت تعرف الناس دي عانت قد إيه... 

وغيرهم كتير... 
ولاحظ إني اديت امثلة على دول مختلفة الأصول, لكن كلهم عانوا من تعصب, وتمييز عنصري, و تطرف ديني و عنف طائفي و معظمها دول كانت قديمة في الديمقراطية... 

تعالى بقى نرجع لمصر... 
أنا ليه قلت كل الكلام ده؟
عشان أنا سامع اليومين دول نبرة من الطبقة الوسطى واللي فوقهم حبة, بصراحة مستفزة قوي... 
الشعب جاهل, الشعب مش جاهز للديمقراطية, الشعب ميعرفش يختار... 
الشعب أي واحد بدقن وجلابية (شيخ أو قسيس) هيضحك عليه و يمشيه وراه... 
احنا مينفعش نسيب الناس دي تنتخب وتجيب البلد لورا.. ولا تجيبلنا الإخوان ولا السلفيين... 

أنا آسف... 
احب إني ابشرك إنك عنصري ومتعصب ومتطرف كمان.. وممكن تكون زيك زي أبودقن وجلابية اللي إنت مش عاوزه يمسك البلد.. 
عارف ليه؟
لانك شايف نفسك أحسن من الفقير اللي مش متعلم, ومش بس كده, ده أنت عاوز تعمل نفسك وصي عليه و تختارله الصح من وجهة نظرك... وهو بس يقعد يتفرج. أصله جاهل... 

معلش بقى الجهل مش هو الأمية, و مش معنا إن واحد ميعرفش يقرأ ويكتب, إنه معندوش وعي بمصلحته ومصلحة عياله... 
ده إنسان راشد وعاقل... من حقه يختار... 
إنت عاوز تاخد منه حق تقرير مصيره, اللي هو من أول حقوق الانسان... 

ليه؟
ببساطة لأن حضرتك ربنا انعم عليك بحياة ميسورة, بتشتغل في حتة كويسة, راكب عربية, قادر تتفسح و تصرف على نفسك وعيالك, مش مضايقك حاجة في البلد عشان كان عندك واسطة ولا اتنين بتخلص بيهم مصالحك, وان ماكانش, يبقى بترش عشان إنت قادر ترش... يمكن أكتر حاجة مضايقك في البلد الزحمة... عشان دي مش عارف تعمل فيها حاجة, لا بينفع فيها واسطة ولا رشاوي... 
إنت بتشتغل, وبتشقى, و كل اللي حكيته فوق ده من تعب حقيقي و بأمانة في حياتك وبما يرضي الله... 
عمرك ما حتى فكرت تكسر إشارة أو تمشي عكسي... 
إنت راجل زي الفل... 

بس للأسف, إنت اناني لدرجة إن إنت النهارده شايف البلد خربت عشان فيه احتمال الانسان الجاهل الفقير اللي عمره مكان ليه صوت في البلد, هيبقاله صوت, وصوته ده ممكن ينكد عليك عيشتك اللي إنت بتظبط فيها بقالك سنين... 
إذا كان الشعب يا اخي عاوز حكم الإخوان ولا حتى السلفيين... 
إذا كانت الاغلبية عاوزة كده, إنت بقى وصي عليهم وهتفرض رأيك عليهم عشان هم مش عارفين الصح فين؟ طب مايمكن إنت الغلط وهم الصح... 
هو إنت معصوم؟ ولا ربنا استغفر الله؟

على فكرة, أنا زي ما أنت شايف كده مسيحي, يعني أكتر واحد ممكن يتضرر من حكم اسلامي في مصر... 
وانا ضد الإخوان والسلفيين و الكنيسة القبطية بسبب خلطهم للدين في السياسة... 
أنا ضد خلط الدين في السياسة... 

لكن اللي أنا ضده أكتر هو الأنانية, ضد اللي فاكر إنه فاهم أكتر من كل الناس اللي حواليه, لدرجة إنه عاوز يفرض وصايته عليهم. 
مش عاوز يديهم ابسط حقوقهم, إنه يبقى عندهم حق تقرير مصيرهم, و اختيار من يمثلهم في مجلس شعب أو رئيس أو حتى المجالس المحلية. اصلهم ناس جهلة... 

بدل ماتعمل كده, احمد ربنا إنك في نعمة و مكنتش في مكان واحد فيهم... 
بدل ما تفرض وصايتك عليهم, فكَّر إزاي تنهض بيهم عشان مصلحتهم قبل مصلحتك... 

هرجع تاني للأول... 
الديمقراطية مكلفة, مش ببلاش
مع إني آسف إني أقول كده, بس التمن اتدفع دم, ولسة بيتدفع ولسة هيتدفع... 
مصر مش هتكون دولة ديمقراطية في يوم وليلة... 
ومصر هيعدي عليها أيام صعبة لسة... فـلو إنت مش قد الكلام ده, لو إنت كل اللي همك نفسك و عيشتك المتظبطة, انصحك تهاجر, وتسيب اللي عاوز يبني البلد يبنيها... وابقى ارجع لما تحس إن الاوضاع اتظبطت على مزاجك... 
أو مترجعش... أنت حر.. 

حرام عليك يكون في واحد مات أو فقد عينه أو هيعيش بعاهة, وتقول لأهله ولا ليه هو, أنا آسف, أنت مش من حقك تنتخب عشان مبتعرفش تقرأ وتكتب... ولا مش فاهم مصلحتك فين, ولا بتسمع كلام الشيخ فلان ولا القسيس فلان... 
مش من حقك... 
مش من حقك... 
مش من حقك... 

ولا إنت كنت شايف إنه مبارك وشلته, اللي كانوا اوصياء على الشعب كانوا صح؟

بكرة أحسن... 
26/5/2011

فيديو وصور : جمعة الغضب المصرية الثانية : 27 مايو

بالصور والفيديو: الاعتصام ليلة السبت 28 مايو


الساعة 10 م : مسيرة بعدد كبير وهتاف اعتصام اعتصام


الساعة 1 ص مع اقتراب موعد الحظر ، ودعاء مع المطر وتصميم على الاعتصام


الساعة 3 ص ويظهر تناقص الأعداد الموجودة بشكل كبير اما للنوم أو المغادرة


الساعة 4 ص ونستعيد روح 25 يناير بتنظيف الميدان زى ما قال عمو معتز عبد الفتاح !







 
 









بالصور والفيديو : التحرير صباح اليوم 28 مايو

التصوير كان حوالى الساعة 5 ص ، ويظهر فتح الميدان أمام حركة المرور ، وبقاء عشرات للاعتصام بالحديقة الوسطى 

وسيتم رفع فيديوهات للاعتصام ليلا الذى كان العدد فيه حوالى 1500 فرد













الجمعة، 27 مايو 2011

حكاوى التحرير : اشحن ثورتك



تحديث 4 يونيو : تم اضافة 6 حكاوى أخرى 

 شكرا لكل القائمين على العمل ، واشحن ثورتك :)


































عرض لقصص وتجارب من ثورة 25 يناير وميدان التحرير

القنابل المسيلة للدموع والرصاص المطاطى وموقعة قصر النيل الشهيرة ... الهتافات والأمن المركزى ... اللجان الشعبية وبلطجية نص الليل ... ولحظات أخرى عيشتها خلال 18 يوم ... سواء كنت فى البيت أو فى الشغل أو فى ميدان التحرير .

التحرير مساء الخميس 26 مايو

الخميس، 26 مايو 2011

هل دخل مخطط التصالح مع رجال الأعمال الفاسدين موضع التنفيذ بالفعل ؟!


الحكم القضائى عنوان الحقيقة ، أو هكذا ينبغى أن يكون ! وقد هالنى الحكم الصادر اليوم بحق الوزير السابق أحمد المغربى وشريكه المتهم فى نفس قضية الفساد المستثمر السياحى منير غبور ، اذ حكم على الأول بالسجن خمس سنوات مشددة ، بينما حكم على الثانى بالسجن سنة مع ايقاف التنفيذ !!! والزامهما برد الأموال التى خسرتها الدولة جراء فسادهما والبالغة 72 مليون جنيه !

ورغم أنى لا أزعم لنفسى ثقافة قانونية ، لكن متابعتى للقضية ومرافعات النيابة والدفاع هى سبب اندهاشى ، لذا سأضعها بين أيديكم على أجد قانونيا يساعدنى فى فهم هذا الحكم !

مرافعة النيابة :

استمعت المحكمة إلى مرافعة أحمد يحيي وكيل نيابة الأموال العامة العليا وبدأ مرافعته بآيات قرآنية "وإذا قيل لهم لا تفسدوا في الأرض قالوا إنما نحن مصلحون ألا إنهم هم المفسدون ولا يشعرون"، وأشار إلي المتهمين ووصفهما بأنهما "اشتروا الضلالة بالهدى" وقاما بالإفساد في الأرض ظنا أنهما مصلحان إلا أن نفسهما البشرية الآمرة بالسوء زينت لهما طريق الضلال لجني ثمار البيع الحرام، إلا أن الله أراد بوقائع هذه الدعوى أن يصون مال الشعب.


وسرد ممثل النيابة وقائع الدعوى التي تمثلت في إملاء شروطهما على الدولة التي أصبحت مرغمة ذليلة بعد قيام وزير الإسكان السابق بتمثيلها وموافقته على تقنين 17 فداناً بشركة المتهم الثاني "غبور" بالمخالفة للقوانين التي تشير إلى أنه كان يجب عليه أن يزيل تعدي المتهم الثاني على هذه الأرض بالقوة الجبرية ويحصل منه مقابل الانتفاع.


وانتقل ممثل النيابة لأدلة الثبوت التي تضمنت أقوال شهود الإثبات، فمنهم من شهد بأن الشركة التي يمثلها المتهم الثاني وقبل رفع مساحة الأراضي محل التعاقدات الثلاثة بينها وبين هيئة المجتمعات عن مساحة 50 مترا ناحية حرم طريق السويس لوجود أبراج الضغط العالي، وخلال عام 2006 تعدت الشركة على هذه المساحة بطول القرية وتم تعديل مخطط الشركة بقرية ميراج المقامة على المساحات محل التعاقد، وأشار إلى أن المتهم الثاني وضع يده على 18 فدانا، حيث انهمرت الشكاوي من قاطني القرية فيما حدث من تشكيل لجنة محايدة والتي تضمن في تقريرها أن الأرض خارج حدود التعاقدات المبرمة بين الهيئة والشركة وطلب الغاء التراخيص الصادرة لعدد 20 فيلا قدمت عنها شركة سقارة تعديل للمخطط العام لمشروع قرية ميراج .
وأضافت النيابة ما قرره المتهم الأول في التحقيقات بأنه الموقع على مذكرة تقنين وضع شركة سقارة على المساحة المعتدى عليها، وبأنه الموقع على المذكرة المعروضة عليه بطلب شركة سقارة بتحمل هيئة المجتمعات العمرانية الجديدة جزء من تكلفة نقل خطوط كهرباء الضغط العالي، وطالب في نهاية المرافعة توقيع أقصى العقوبة على المتهمين.


وكذلك مرافعة الدفاع  :

كد بهاء الدين أبو شقة دفاع المتهم الأول "أحمد المغربى"، أن العقود الثلاثة التى أبرمت بين المتهمين فى أعوام 94 و95 و96 أن الأراضى المخصصة تقع بين النقص والزيادة، وأضاف أن سعر المتر طبقاً لتلك العقود 50 جنيهاً للمتر، وعندما ثبت وجود زيادة 18 فداناً، وهو موضوع الاتهام فى 16 - 9 - 2006 وهو تاريخ استلام الأرض تم عرض الأمر على المستشار القانونى لوزارة الإسكان، وهو عصام عبد العزيز، وقد أبدى فى مذكرته أن سعر المتر قد وصل إلى 314 جنيهاً، وهو بعد إبرام العقود واكتشاف وجود زيادة بالأرض موضوع الاتهام، فاستجاب المتهم الثانى لدفع فارق السعر بموجب المذكرة التى قدمها المستشار القانونى، وبالتالى انتفت صفة الإضرار العمدى بالمال العام، لأن المتهم ربح الدولة 23 مليون جنيه.

وتعجب بهاء الدين أبو شقة، أنه كيف لمستثمر يحصل على أرض يعمرها ويستثمر فيها، وبعدها إما أن تنهب أمواله أو يزج به إلى السجون، وأوضح أن تلك القضايا سوف تؤثر على الاقتصاد المصرى، فليس هناك مستثمر يأتى إلى مصر بعد ذلك لإقامة أى مشروعات تساعد على النهوض بالاقتصاد المصرى الذى وصل إلى الصفر.

وأكد الدكتور محمد سليم العوا محامى منير غبور، أن المتهم قام بشراء مساحة 336 فداناً بالقاهرة الجديدة، وكانت صحراء جرداء، وحولها إلى مدينة سكنية وبها كافة المرافق بعد أن كانت مكان لإلقاء القمامة ولا تصلح لأى عمل من أعمال البناء أو الاستثمار.

واستهل العوا فى مرافعته الاستعانة بتاريخ غبور الاقتصادى وكتابته عن سماحة الإسلام مع المسيحية، وأن مصر يجب أن تفخر بوجود شخص مثله، لافتاً إلى أن المتهم ربح الدولة ولم ينتفع منها، لذلك تحركنا بدعوى مدنية لاسترداد 24 مليون جنيه كانت حصلت عليها وزارة الإسكان قبل ذلك.

وأضاف العوا، أنه وفقاً لأقوال شهود الإثبات والخبراء بإدارة المساحة الذين تم استدعاؤهم من قبل النيابة وخبراء وزارة العدل، أكدوا فى عدم وجود تعدى من قبل شركة المتهم الثانى "غبور" على أراضى الدولة، وإنما استغلت تلك الأرض فى إخفاء كابلات الضغط العالى التى كانت تشكل خطراً على طلاب المدارس، وسكان المنطقة المجاورة لها، وتكبد المتهم تكلفة نقل تلك الكابلات إلى الأرض 4 ملايين جنيه، واصفاً اتهامات النيابة بالخرافة.

وقدم حافظة مستندات تتضمن تقرير خبراء استشاريين بكلية الهندسة جامعة عين شمس، جاء فيها أن الأرض محل الاتهام لا يمكن استغلالها بأى حال من الأحوال، وضرورة تفعيل ضمها إلى شركة المتهم الثانى، لأنها تقع فى نطاقها، وأوضح الدفاع أن الدعوى مدنية وليست جنائية، ومن المفترض عدم خضوعها لقانون الإجراءات الجنائية، ولولا دخول المتهم الأول طرف فى الدعوى ماكانت تنظر.

طالع المصدر

فهل من تفسير ؟!

قايمة بمطالب 27 مايو المتفق عليها ، للطبع والنشر على أوسع نطاق


حوينيات : الجزء الأول


بعد التصريحات المستفزة للحوينى التى ردد فيها دون وعى كلام أبواق الثورة المضادة عن أن البلاد فى طريقها للافلاس وأن شباب "الفورة " خطفوا البلد،



قررت المساهمة بفعالية فى حملة اخراج  ابداعات الحوينى المطمورة للعلن  ، وهاهى أول دفعة بابداعين حوينيين أرض أرض


التسجيل الأول والمذهل : عمل المرأة فى ميزان الحوينى 



التسجيل الثانى : حكم دخول كلية الحقوق 



استمتعوا وادعولى :)

ومتنسوش درر الحوينى المشهورة :D





ونلتقى قريبا مع الجزء الثانى ان شاء الله :) 


الأربعاء، 25 مايو 2011

لا توجد اصلاحات سياسية بدون عدالة اجتماعية ، حد أدنى للأجور للشعب الفقير


"مش حاسين حاجة اتغيرت بعد الثورة غير الساعة اللى اثبتت ! عاوزين نأكل عيالنا !"

"باخد 200 جنيه فين الثورة !؟"

"شباب الثورة بتوع الائتلاف اللى بيطلعوا ف التلفزيون قبضوا وكل واحد قعد على مكتب و#$ أم الشعب !"

"العدالة الاجتماعية قبل الاصلاحات السياسية ملناش دعوة بمطالب الأحزاب !"

" لا نثق ف وزراء  أقسموا الولاء قدام حسنى مبارك زى سمير رضوان ، معملوش هيكل الأجور لحد دلوقتى ليه ؟!" 

" الثورة بتضيع ، نازلين الجمعة عشان نعمل ثورة جديدة "!